લવારા ગામે ૧૦ લાખના ખર્ચે બનનાર સમાજવાડીનું ખાતમુહૂર્ત સંપન્ન

સિધ્ધપુર તાલુકાના લવારા ગામે માન. ધારાસભ્યશ્રી બલવંતસિંહ રાજપૂત સાહેબના હસ્તે રૂ. ૧૦ લાખના ખર્ચે નિર્માણ થનાર સમાજવાડી (કોમ્યુનિટી હોલ)નું ખાતમુહૂર્ત કરવામાં આવ્યું.

આ પ્રસંગે જણાવાયું હતું કે સમાજવાડીના નિર્માણથી ગામના સામાજિક, સાંસ્કૃતિક તથા ધાર્મિક કાર્યક્રમો માટે એક આધુનિક અને સુવિધાસભર સ્થળ ઉપલબ્ધ બનશે. લગ્નપ્રસંગો, સામૂહિક કાર્યક્રમો, બેઠકઓ તેમજ વિવિધ સામાજિક સેવાકીય પ્રવૃત્તિઓનું આયોજન હવે વધુ વ્યવસ્થિત અને ભવ્ય રીતે કરી શકાશે.

સમાજવાડી ગામના સર્વાંગી વિકાસમાં મહત્વપૂર્ણ ભૂમિકા ભજવશે અને ગ્રામજનોને એકતા તથા સહકારનું કેન્દ્ર પૂરૂં પાડશે. ખાતમુહૂર્ત કાર્યક્રમમાં ગામના આગેવાનો, કાર્યકરો અને મોટી સંખ્યામાં ગ્રામજનો ઉપસ્થિત રહ્યા હતા.