સિદ્ધપુર વિસ્તારના માર્ગ વિકાસને નવી દિશા આપતા બે મહત્વપૂર્ણ માર્ગ કાર્યોની શરૂઆત તેમજ વિકાસ કરવામાં આવી રહ્યો છે. આંકવીથી માનપુરા સુધીના ૨.૨૩ કિલોમીટર લાંબા રસ્તાનું ₹૮૦ લાખના ખર્ચે રિસરફેસિંગ, ડામર કામ તથા રોડ ફર્નિશિંગ સાથેનું કાર્ય હાથ ધરવામાં આવ્યું છે. આ માર્ગના વિકાસથી મુસાફરી વધુ સુરક્ષિત, સુગમ અને સુવ્યવસ્થિત બનશે.

તે સાથે આંકવી–મહાકાળી આશ્રમથી સિદ્ધપુર મેળોજને જોડતા ૧.૫૦૦ કિલોમીટર લાંબા રસ્તાના ₹૧૬૫ લાખના ખર્ચે ખાતમૂહર્ત સાથે વિકાસ કાર્યની ઔપચારિક શરૂઆત કરવામાં આવી. આ માર્ગથી ધાર્મિક સ્થળો તથા ગ્રામ્ય વિસ્તારો વચ્ચેનો સંપર્ક વધુ મજબૂત બનશે અને વિસ્તારના સર્વાંગી વિકાસને નવી ગતિ મળશે. ગામના સર્વાંગી વિકાસ તરફ વધુ એક મહત્વપૂર્ણ પગલાંરૂપે ₹૪૫ લાખના ખર્ચે નિર્મિત નવીન બોરનું લોકાર્પણ કરવામાં આવ્યું. આ બોરથી સ્થાનિક રહેવાસીઓને પીવાના પાણી તેમજ રોજિંદી જરૂરિયાતો માટે પૂરતું અને સુલભ પાણી ઉપલબ્ધ બનશે.